ક્યાં સુધી જીવી શકો

 જીભમાં ખારાશ લૈને, ક્યાં સુધી જીવી શકો?

આંખમાં લાલાશ લૈને, ક્યાં સુધી જીવી શકો?

જીંદગીનો શું ભરોસો? આજ છે, ને કાલ નૈ,

એક આશાના સહારે, ક્યાં સુધી જીવી શકો?

એ મળ્યાં, છૂટાં પડ્યાં, ને તું હજીયે ત્યાં જ છે?

વેદનાઓના સહારે, ક્યાં સુધી જીવી શકો?

દેવ સામે હાથ જોડી, તું ય ત્યાં થાશે ખડો?

દેવતાઓના સહારે, ક્યાં સુધી જીવી શકો?

છે ઘણાં એવાં ય કર્મો, કે બધું પામી શકો,

વારતાઓના સહારે ક્યાં સુધી જીવી શકો?

06/06/2020