ખુદા બક્ષે છે તુજ ને જે, ગણી લેજે તું પ્યારું તે,
ન જાણે કેમ માણસ, તૃષ્ણાઓ ની પાસ દોડે છે.
કદી દોડાવે કોઈને, કદી ખુદ એ જ દોડે છે,
જીવન ની આપાધાપીમાં થઇ રમમાણ દોડે છે
કદી
કોઈ ને છોડે છે, કદી સંબંધ તોડે છે,
રૂપૈયાકાજ એ પોતાનાંનો વિશ્વાસ તોડે છે
મહાલય માં શિવાલય માં ખુદાલય માં ને દેવળ માં,
બની ભિક્ષુક, ભૂલીને ખુદ નું એ સન્માન દોડે છે
કરે છે ત્યાગ સુખનો, શાંતિનો, આરામનો એ તો,
જીવન ના ભોગ ભોગવવા એ દિવસ રાત દોડે છે
કરે છે મોક્ષ ની વાતો, જીવન માં ત્યાગ ની વાતો,
આવે જ્યાં લાભ ની વાતો તો સડસડાટ દોડે છે
ખુદા ને પામવા ની વાત એ કરતો રહે હરદમ,
ખુદા ને પામવા, ખુદ નું એ ભૂલી ભાન દોડે છે
જીવન માં પામવા ની લ્હાયમાં ને લ્હાયમાં એ તો,
જીવનને એ મુકીને હોડ માં દિન રાત દોડે છે.
No comments:
Post a Comment